ຈໍານວນຜູ້ເຂົ້າຊົມເວັບໄຊ

142226
ມື້ນີ້ມື້ນີ້70
ມື້ວານນີ້ມື້ວານນີ້233
ອາທິດນີ້ອາທິດນີ້1002
ເດືອນນີ້ເດືອນນີ້6141
ລວມທັງໝົດລວມທັງໝົດ142226

ມີ 26  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນບ່າຍຂອງວັນທີ 6 ພຶດສະພາ 2019 ນີ້, ທີ່ສະໂມສອນ ຫ້ອງວ່າການແຂວງ ໄຊຍະບູລີ ໄດ້ຈັດກອງປະຊຸມປຶກສາຫາລືກ່ຽວກັບ ການຄ້າຊາຍແດນ ແລະ ການທ່ອງທ່ຽວ ລະຫວ່າງ ແຂວງ ໄຊຍະບູລີ ສປປ ລາວ ນໍາໂດຍ ທ່ານ ຍັນຍົງ ສີປະເສີດ ຮອງເຈົ້າແຂວງ ໄຊຍະບູລີ ພ້ອມດ້ວຍພະແນກການທີ່ກ່ຽວຂ້ອງ ກັບ ຈັ່ງຫວັດ ຜິດສະນຸໂລກ ຣາສະອານາຈັກໄທ ນໍາໂດຍ ທ່ານ ບຸນຊັບ ພານິດສະການ ຜູ້ອໍານວຍການ ມະຫາວິທະຍາໄລ ທະເລສວນ ພ້ອມດ້ວຍຄະນະ.

ກ່ອນອື່ນ ທ່ານ ຍັນຍົງ ສີປະເສີດ ຮອງເຈົ້າແຂວງ ໄຊຍະບູລີ ແມ່ນໄດ້ກ່າວຕ້ອນຮັບທີມງານຂອງຜູ້ອໍານວຍການ ມະຫາວິທະຍາໄລ ທະເລສວນ ຈັ່ງຫວັດ ຜິດສະນຸໂລກ ພ້ອມດ້ວຍຄະນະ ທີ່ມາຢ້ຽມຢາມ ແລະ ເຮັດວຽກຢູ່ແຂວງ ໄຊຍະບູລີ ຄັ້ງນີ້, ພ້ອມທັງໄດ້ລາຍງານສະພາບຈຸດພິເສດຂອງແຂວງ ແລະ ການພົວພັນຮ່ວມມື ລະຫວ່າງແຂວງ ໄຊຍະບູລີ ແລະ ບັນດາຈັ່ງຫວັດຂອງໄທ ທີ່ມີຊາຍແດນຕິດຈອດກັບແຂວງ ໄຊຍະບູລີ, ເຊິ່ງໄລຍະຜ່ານມາແຂວງ ໄຊຍະບູລີ ແມ່ນໄດ້ມີການປະຊຸມຮ່ວມມືກັບບັນດາຈັ່ງຫວັດຂອງໄທກ່ຽວກັບການຮັກສາຄວາມສະຫງົບຕາມແນວຊາຍແດນ, ການເຂົ້າອອກຜ່ານດ່ານຕ່າງໆ, ການຄ້າ, ການທ່ອງທ່ຽວ ແລະ ອື່ນໆ ອັນເຮັດໃຫ້ຊາຍແດນດັ່ງກ່າວມີຄວາມສະຫງົບປອດໄພຮອບດ້ານ, ເຮັດໃຫ້ການຄ້າ-ການທ່ອງທ່ຽວ ແລະ ການໄປ-ມາຂອງປະຊາຊົນທັງສອງຊາດແມ່ນມີຄວາມສະດວກຂຶ້ນເທື່ອລະກ້າວ, ໂອກາດດັ່ງກ່າວ ທ່ານ ບຸນຊັບ ພານິດສະການ ຜູ້ອໍານວຍການ ມະຫາວິທະຍາໄລ ທະເລສວນ ກໍ່ໄດ້ກ່າວຂອບໃຈຕໍ່ການນໍາຂອງແຂວງ ທີ່ໃຫ້ການຕ້ອນຮັບຢ່າງອົບອຸ່ນ ແລະ ໄດ້ສະເໜີຈຸດປະສົງເຊັ່ນ: ເພື່ອສືກສາຄວາມເປັນໄປໄດ້ຂອງການເຊື່ອມໂຍງລະຫວ່າງ ໄທ, ລາວ ແລະ ຈີນ ໂດຍຜ່ານເສັ້ນທາງຫຼວງຂອງແຂວງ ໄຊຍະບູລີ ເພື່ອໄປສູ່ເສັ້ນທາງລົດໄຟລາວ-ຈີນ,

ເຊິ່ງມີສະຖານີຢູ່ແຂວງ ຫຼວງພະບາງ, ສືກສາໂຄງການວິໄຈໄລຍະສອງກ່ຽວກັບການເຊື່ອມໂຍງການໄປ-ມາ, ການແລກປ່ຽນສິນຄ້າຂອງປະຊາຊົນໂດຍຜ່ານດ່ານແຫ່ງຕ່າງໆ, ສືກສາເບິ່ງລະບົບເສັ້ນທາງເພື່ອຈະນໍາສົ່ງສິນຄ້າໂດຍສະເພາະແມ່ນ ອາຫານທະເລ ທີ່ຈະສົ່ງໄປຈໍານ່າຍຢູ່ບັນດາແຂວງພາກເໜືອຂອງລາວ ແລະ ບັນດາແຂວງຂອງ ສປຈີນ ທີ່ບໍ່ຕິດກັບທະເລ ໂດຍອາໄສລົດໄຟລາວ-ຈີນ, ຈາກນັ້ນທັງສອງຝ່າຍກໍ່ໄດ້ປຶກສາຫາລືກັນກ່ຽວກັບການຄ້າ, ການທ່ອງທ່ຽວທາງທໍາມະຊາດ ແລະ ວັດທະນະທໍາ ທີ່ແຂວງ ໄຊຍະບູລີ, ປຶກສາຫາລືກ່ຽວກັບການປັບປຸງບັນດາດ່ານຂອງທັງສອງຝ່າຍທີ່ຍັງບໍ່ໄດ້ມາດຖານ ເພື່ອອໍານວຍຄວາມສະດວກໃນການເຂົ້າ-ອອກ, ການຂົນສົ່ງສິນຄ້າ ແລະ ອື່ນໆ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 2212 6933  

ແຜນທີ ແຂວງໄຊຍະບູລີ