ຈໍານວນຜູ້ເຂົ້າຊົມເວັບໄຊ

137789
ມື້ນີ້ມື້ນີ້42
ມື້ວານນີ້ມື້ວານນີ້211
ອາທິດນີ້ອາທິດນີ້575
ເດືອນນີ້ເດືອນນີ້3354
ລວມທັງໝົດລວມທັງໝົດ137789

ມີ 18  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ຕອນບ່າຍວັນທີ 1 ກໍລະກົດ 2019 ນີ້, ທີ່ສະໂມສອນຫ້ອງວ່າການແຂວງ ໄຊຍະບູລີ, ໄດ້ຈັດພິທີຮັບເອົາມະຫາຊົນຜູ້ກ້າວໜ້າເຂົ້າເປັນ ສະມາຊິກພັກສຳຮອງ ຂອງພັກປະຊາຊົນປະຕິວັດລາວ, ເຂົ້າຮ່ວມເປັນກຽດມີ ສະຫາຍ ເພັດພິໄຊ ສູນວິໄລ, ເລຂາຄະນະພັກຮາກຖານ, ຫົວໜ້າຫ້ອງວ່າການແຂວງ, ມີເລຂາ, ຮອງເລຂາໜ່ວຍພັກ, ສະມາຊິກພັກແຕ່ລະໜ່ວຍພັກທີ່ຂຶ້ນກັບຄະນະພັກຮາກຖານຫ້ອງວ່າການແຂວງເຂົ້າຮ່ວມຢ່າງພ້ອມພຽງ.

ພິທີດັ່ງກ່າວ, ພາຍຫຼັງທີ່ມະຫາຊົນຜູ້ກ້າວໜ້າ ໄດ້ຂື້ນຜ່ານໃບຄໍາຮອງຂໍເຂົ້າເປັນສະມາຊິກພັກສໍາຮອງຂອງພັກປະຊາຊົນປະຕິວັດລາວແລ້ວ, ສະຫາຍທີ່ຕິດຕາມກໍ່ໄດຂື້ນຢັ້ງຢືນຮັບເອົາມະຫາຊົນຜູ້ກ້າວໜ້າ ເພື່ອຮັບເຂົ້າເປັນສະມາຊິກພັກສໍາຮອງ ຈາກນັ້ນ, ສະຫາຍ ນາງ ນັນທິດາ ທັນວົງສາ ຮອງຫົວໜ້າຂະແໜງຈັດຕັ້ງນະໂຍບາຍ ແລະ ກວດກາ ຫ້ອງວ່າການແຂວງ ໄດ້ຂື້ນຜ່ານມະຕິຕົກລົງຂອງຄະນະປະຈໍາພັກແຂວງ ເລກທີ 168, 181, 393 ແລະ 394/ຄພຂ, ວ່າດ້ວຍການອານຸມັດຮັບເອົາມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກພັກສໍາຮອງ ຂອງພັກປະຊາຊົນປະຕິວັດລາວ, ມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກພັກສໍາຮອງຄັ້ງນີ້ມີຈໍານວນ 4 ສະຫາຍ, ໃນນີ້: ຜູ້ທີ່ສັງກັດຢູ່ຂະແໜງ ບໍລິຫານທົ່ວໄປ 2 ສະຫາຍ, ຂະແໜງສັງລວມວຽກພັກ 1 ສະຫາຍ ແລະ ຂະແໜງ ກໍ່ສ້າງຮາກຖານກາານເມືອງ 1 ສະຫາຍ, ເຊີ່ງແຕ່ລະສະຫາຍແມ່ນມີແນວຄິດການເມືອງໜັກແໜ້ນ, ອຸ່ນອຽ່ນທຸ່ນທ່ຽງ, ບໍ່ມີແນວຄິດຄອນແຄນ, ເຊື່ອໝັ້ນຕໍ່ການນໍາພາຂອງພັກ, ມີຄວາມເຂັ້ມງວດໃນການປະຕິບັດລະບຽບວິໄນ ກໍ່ຄືລະບຽບກົດໝາຍຂອງພັກ - ລັດ, ມີຄວາມຫ້າວຫັນໃນການປະຕິບັດໜ້າທີ່ວຽກງານວິຊາສະເພາະ

ແລະ ເຮັດສໍາເລັດທຸກວຽກງານທີ່ໄດ້ຮັບການມອບໝາຍໃຫ້ເປັນຢ່າງດີ, ໃນຕອນທ້າຍພິທີ ສະຫາຍ ເພັດພິໄຊ ສູນວິໄລ, ເລຂາຄະນະພັກຮາກຖານ, ຫົວໜ້າຫ້ອງວ່າການແຂວງ ກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ມະຫາຊົນຜູ້ກ້າວໜ້າທີ່ມີຄວາມຫ້າວຫັ້ນບຸກບຶນ ແລະ ຝຶກຝົນຫຼໍ່ຫຼອມຕົນເອງຈົນໄດ້ເຂົ້າເປັນສະມາຊິກພັກສໍາຮອງ ແລະ ຍັງໄດ້ຮຽກຮ້ອງໃຫ້ສະມາຊິກພັກສໍາຮອງ ຈົ່ງມີແນວຄິດຫຼັກໝັ້ນ, ເຊື່ອໝັ້ນຕໍ່ການນໍາພາຂອງພັກ, ເອົາໃຈໃສ່ຝຶກຝົນຫຼໍ່ຫຼອນຕົນເອງ ໃຫ້ເປັນສະມາຊິກພັກທີ່ມີຄວາມກ້າວໜ້າ, ມີຄຸນທາດການເມືອງໜັກແໜ້ນ ແລະ ສາມາດເປັນແບບຢ່າງທີ່ດີໃຫ້ມະຫາຊົນ, ຕ້ອງດຸໝັ້ນຄົ້ນຄວ້າບັນດາເອກະສານຕ່າງໆ ແລະ ກົດລະບຽບຂອງພັກ, ເພື່ອເພີ່ມຄວາມຮູ້ໃຫ້ຕົນເອງໃນການປະຕິບັດໜ້າທີ່ວຽກງານຕົວຈິງ.

ແຫຼ່ງຂ່າວ:ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ