ຈໍານວນຜູ້ເຂົ້າຊົມເວັບໄຊ

142212
ມື້ນີ້ມື້ນີ້56
ມື້ວານນີ້ມື້ວານນີ້233
ອາທິດນີ້ອາທິດນີ້988
ເດືອນນີ້ເດືອນນີ້6127
ລວມທັງໝົດລວມທັງໝົດ142212

ມີ 17  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ກອງປະຊຸມໃຫ່ຍຜູ້ແທນຄະນະບໍລິຫານງານຊາວໜຸ່ມ ຄັ້ງທີ VI ເມືອງໄຊຍະບູລີແຂວງໄຊຍະບູລີ ໄດ້ຈັດຂື້ນໃນລະຫ່ວາງວັນທີ 6-7 ພຶດສະພາ 2019 ນີ້ ທີ່ຫ້ອງປະຊຸມໃຫ່ຍຂອງເມືອງ. ພາຍໃຕ້ການເປັນປະທານຂອສະຫາຍ ນາງ ບົວວົງ ສີຕັນ ຮັກສາການເລຂາຄະນະບໍລິຫານງານຊາວໜຸ່ມເມືອງໄຊຍະບູລີ, ໃຫ້ກຽດເຂົ້າຮ່ວມໂດຍສະຫາຍ ຄໍາຜາຍ ແກ້ວບົວ ຮອງເລຂາພັກເມືອງ ປະທານແນວລາວສ້າງຊາດເມືອງ ຜູ້ຊີ້ນໍາວຽກງານການເມືອງ-ແນວຄິດ ແລະ ອົງການຈັດຕັ້ງມະຫາຊົນຂັ້ນເມືອງ, ສະຫາຍ ບຸນແທນ ທິແກ້ວ ກໍາມະການພັກແຂວງ ຫົວໜ້າພະແນກການເງິນແຂວງ, ສະຫາຍ ໜູໄຊ ໜໍ່ກີຢາ ເລຂາຄະນະບໍລິຫານງານຊາວໜຸ່ມແຂວງ, ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ແຂກຖືກເຊີນ ພ້ອມດ້ວຍຜູ້ແທນເລຂາຄະນະພັກຮາກຖານຊາວໜຸ່ມ, ໜ່ວຍຊາວໜຸ່ມອ້ອມຂ້າງເມືອງ ແລະ ບ້ານເຂົ້າຮ່ວມ 140 ກ່ວາສະຫາຍ.

ສະຫາຍ ນາງ ບົວວົງ ສີຕັນ ຮັກສາການເລຂາຄະນະບໍລິຫານງານຊາວໜຸ່ມເມືອງ ໄດ້ກ່າວວ່າ: ຄະນະບໍລິຫານງານຊາວໜຸ່ມເມືອງໄຊຍະບູລີ ເປັນອົງການຈັດຕັ້ງມະຫາຊົນໜື່ງ ໃນລະບົບການເມືອງຂອງລະບອບປະຊາທິປະໄຕ ປະຊາຊົນລາວ ຢູ່ຂັ້ນທ້ອງຖິ່ນພາຍໃຕ້ການຊີ້ນໍາ-ນໍາພາຂອງອົງຄະນະພັກເມືອງ. ປະກອບມີ 7 ຮາກຖານ, 166 ໜ່ວຍຮາກຖານ ໃນນັ້ນສໍານັກງານ 30 ໜ່ວຍ, ໂຮງຮຽນມັດທະຍົມຕົ້ນ-ມັດທະຍົມປາຍ 13 ໜ່ວຍ, ປະຖົມ 32 ໜ່ວຍ, ກໍາລັງປະກອບອາວຸດ 7 ໜ່ວຍ, ບ້ານ 84 ໜ່ວຍ, ມີຊາວໜຸ່ມ-ໄວໜຸ່ມເກນອາຍຸ 15-35 ປີ 41.640 ກ່ວາສະຫາຍ, ຍິງ 18.340 ກ່ວາສະຫາຍ, ເຂົ້າເປັນສະມາຊິກຊາວໜຸ່ມ 4.340 ກ່ວາສະຫາຍ, ຍິງ 2.370 ກ່ວາສະຫາຍ ໃນນັ້ນພະນັກງານລັດຖະກອນ 878 ສະຫາຍ, ຍິງ 515 ສະຫາຍ, ອາສາສະໝັກ 290 ສະຫາຍ, ຍິງ 180 ກ່ວາສະຫາຍ, ນັກຮຽນ 1.140 ກ່ວາສະຫາຍ, ຍິງ 600 ກ່ວາສະຫາຍ, ຊາວກະສິກອນ-ຄ້າຂາຍ 2.200 ກ່ວາສະຫາຍ, ຍິງ 1.000 ກ່ວາສະຫາຍ, ເຂົ້າເປັນສະມາຊິກພັກ 590 ສະຫາຍ, ຍິງ 330 ສະຫາຍ, ໄດ້ຮັບຫຼຽນໄຊແຮງງານຊັ້ນ 2 ມີ 6 ສະຫາຍ,

ຍິງ 2 ສະຫາຍ, ຊັ້ນ 3 ມີ 8 ສະຫາຍ, ຍິງ 3 ສະຫາຍ, ຮັບໃບຍ້ອງຍໍຂັ້ນສູນກາງ 139 ສະຫາຍ, ຍິງ 80ກ່ວາສະຫາຍ, ຂັ້ນແຂວງ 580ກ່ວາສະຫາຍ, ຍິງ 340ກ່ວາສະຫາຍ, ຂັ້ນເມືອງ 450ກ່ວາສະຫາຍ,ຍິງ 220 ກ່ວາສະຫາຍ, ອອກມະຕິແຍກໜ່ວຍໄດ້ 11 ໜ່ວຍ, ບົ່ງຕົວແຕ່ງຕັ້ງຄະນະໜ່ວຍຊຸດໃໝ່ໄດ້ 22 ໜ່ວຍ, ອອກມະຕິບຸບໜ່ວຍໄດ້ 2 ໜ່ວຍ. ຕະຫຼອດໄລຍະ 5 ປີຜ່ານມາຄະນະບໍລິຫານງານຊາວໜຸ່ມ ໄດ້ເອົາໃຈໃສ່ສຶກສາອົບຮົມການເມືອງ-ແນວຄິດ ໃຫ້ຖັນແຖວຊາວໜຸ່ມ-ເຍົາວະຊົນ ໄດ້ຮັບຮູ້ເຂົ້າໃຈແນວທາງນະໂຍບາຍຂອງພັກ,ກົດລະບຽບຂອງລັດ, ມະຕິ, ຄໍາສັ່ງຕ່າງໆ, ຝຶກຝົນຫຼໍ່ຫຼອມທາງດ້ານຄຸນສົມບັດສິນທໍາປະຕິວັດ, ຮໍ່າຮຽນມູນເຊື້ອຂອງພັກ, ຂອງຊາດ, ຂອງຊາວໜຸ່ມ ດ້ວຍຫຼາຍຮູບການທີ່ສອດຄ່ອງກັບຈຸດພິເສດຂອງຊາວໜຸ່ມ-ເຍົາວະຊົນ ເປັນຕົ້ນແມ່ນຊຸກຍູ້ສ້າງເງື່ອນໄຂໃຫ້ພະນັກງານຊາວໜຸ່ມ ແລະ ສະມາຊິກຊາວໜຸ່ມ ໄດ້ຮໍ່າຮຽນຍົກລະດັບທິດສະດີການເມືອງ-ການປົກຄອງ, ວິຊາສະເພາະ, ເປັນເຈົ້າການຜັນຂະຫຍາຍຈັດຕັ້ງປະຕິບັດມະຕິ V ຂອງຜູ້ແທນຊາວໜຸມທົ່ວເມືອງ ແລະ ແຜນພັດທະນາເສດຖະກິດ-ສັງຄົມຂອງເມືອງວາງອອກ ຕິດພັນກັບຂໍ້ແຂ່ງແຂ່ງຮັກຊາດ ແລະ ພັດທະນາ ໂດຍສຸມໃສ່ປະຕິບັດຂໍ້ແຂ່ງຂັນ 4 ບຸກຂອງຊາວໜຸ່ມ ແລະ ຂໍ້ເແຂ່ງຂັນ 3 ດີ 4 ຮູ້ຂອງເຍົາວະຊົນ ເຮັດໃຫ້ເມືອງໄຊຍະບູລີ ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ, ເສດຖະກິດ, ວັດທະນະທໍາ-ສັງຄົມ ໄດ້ມີການຂະຫຍາຍຢ່າງຕໍ່ເນື່ອງ. ຈາກນັ້ນຜູ້ເຂົ້າຮ່ວມແຕ່ລະເມືອງ ແລະ ແຕ່ລະຂົງເຂດ ກໍ່ໄດ້ປະກອບຄໍາເຫັນ ໂດຍຍົກໃຫ້ເຫັນເຖິງຜົນງານດ້ານດີ ທີ່ຈະຕ້ອງເສີມຂະຫຍາຍຈັດຕັ້ງປະຕິບັດ, ຈຸດອ່ອນ, ຂໍ້ຄົງຄ້າງ ທີ່ຈະຕ້ອງຊອກຫາວິທີແກ້ໄຂໃຫ້ດີຂື້ນເທື່ອລະກ້າວ. ພ້ອມນັ້ນພາຍຫຼັງຄະນະບໍລິຫານງານຊາວໜຸ່ມຊຸດເກົ່າ ໄດ້ຜ່ານໃບສໍາຫຼວດການນໍາພາ ແລະ ກ່າວລາໜ້າທີ່ແລ້ວ ກໍ່ໄດ້ປ່ອນບັດເລືອກຕັ້ງຄະນະບໍລິຫານງານຊາວໜຸ່ມຊຸດໃໝ່ ມີຜູ້ສະໝັກ 25 ສະຫາຍ, ຍິງ 8 ສະຫາຍ ເລືອກເອົາ 21 ສະຫາຍ, ກອງປະຊຸມຄັ້ງປະຖົມມະລຶກ ຕົກລົງເຫັນດີສະຫາຍ ນາງ ບົວວົງ ສີຕັນ ເປັນເລຂາຄະນະບໍລຫານງານຊາວໜຸ່ມເມືອງ, ສະຫາຍ ນາງ ເຂັມມະລາ ຈີນດາມະນີ ເປັນຮອງເລຂາ ປະທານກວດກາ, ສະຫາຍ ສົມລິດ ແສງຈັນ ເປັນຮອງເລຂາ ແລະ ອີກ 18 ສະຫາຍ ເປັນຄະນະຊາວໜຸ່ມ. ໂອກາດດຽວກັນນີ້ ກໍ່ໄດ້ມອບຂອງຂວັນໃຫ້ຄະນະປະທານ, ແຂກຖືກເຊີນ ແລະ ຄະນະບໍລິຫານງານຊາວໜຸ່ມເມືອງຊຸດເກົ່າ. ໃນຕອນທ້າຍກອງປະຊຸມສະຫາຍ ໜູໄຊ ໜໍ່ກີຢາ ເລຂາຄະນະບໍລິຫານງານຊາວໜຸ່ມແຂວງ ແລະ ສະຫາຍ ຄໍາຜາຍ ແກ້ວບົວ ຮອງເລຂາພັກເມືອງ ປະທານແນວລາວສ້າງຊາດເມືອງ ກໍ່ໄດ້ໃຫ້ກຽດຜັດປ່ຽນການມີຄໍາເຫັນໂອ້ລົມ ເຊິ່ງກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນງານທີ່ບັນດາສະຫາຍຄະນະບໍລິຫານງານຊາວໜຸ່ມ ແລະ ສະມາຊິກຊາວໜຸ່ມ ຍາດມາໄດ້ຕະຫຼອດໄລຍະຜ່ານມາ ແລະ ສະຫາຍຍັງໄດ້ຮຽກຮ້ອງໃຫ້ຄະນະບໍລິຫານງານຊາວໜຸ່ມຊຸດໃໝ່ ແລະ ສະມາຊິກຊາວໜຸ່ມທຸກສະຫາຍ ຈົ່ງເອົາໃຈໃສ່ເພີ່ມໃນການສຶກສາອົບຮົມການເມືອງ-ແນວຄິດ ໃຫ້ເລິກເຊິ່ງເຖິງຖົງໜັກແໜ້ນເຂັ້ມແຂງຂື້ນກ່ວາເກົ່າ, ສຸມທຸກສະຕິປັນຍາເຂົ້າໜ້າທີ່ວຽກງານວິຊາສະເພາະທີ່ໄດ້ຮັບການມອບໝາຍ ໃຫ້ໄດ້ຮັບຜົນສໍາເລັດສູງ ແລະ ບັນລຸຕາມລະດັບຄາດໝາຍ.

ຂ່າວ: ບຸນຈັນ ທ່າວ 0305752303

ແຜນທີ ແຂວງໄຊຍະບູລີ