ຈໍານວນຜູ້ເຂົ້າຊົມເວັບໄຊ

142222
ມື້ນີ້ມື້ນີ້66
ມື້ວານນີ້ມື້ວານນີ້233
ອາທິດນີ້ອາທິດນີ້998
ເດືອນນີ້ເດືອນນີ້6137
ລວມທັງໝົດລວມທັງໝົດ142222

ມີ 15  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ກອງປະຊຸມໃຫ່ຍຜູ່ແທນສະຫະພັນແມ່ຍິງ ເມືອງໄຊຍະບູລີ ຄັ້ງທີ VIII ໄດ້ເປີດຂື້ນໃນລະຫວ່າງວັນທີ່ 9-10 ພຶດສະພາ 2019ນີ້. ທີ່ຫ້ອງປະຊຸມຫ້ອງວ່າການເມືືອງ ໂດຍການເປັນປະທານຂອງສະຫາຍ ນາງ ພວງມະໄລ ໄຊຍະພອນ ກຳມະການພັກເມືອງ ປະທານສະຫະພັນແມ່ຍີງເມືອງ, ໃຫ້ກຽດເຂົ້າຮ່ວມຂອງສະຫາຍ ບຸນຄົງ ພົງສະຫັວນ ຮອງເລຂາພັກເມືອງ ຮອງເຈົ້າເມືອງ ໄຊຍະບູລີ, ສະຫາຍ ນາງຄຳຜິວ ພັນທະວົງ ຮັກສາການປະທານສະຫະພັນແມ່ຍິງແຂວງ, ກອງປະຊຸມຄັ້ງນີ້ມີຜູ້ແທນສົມບູນເຂົ້າຮ່ວມທັງໝົດ 90 ສະຫາຍ, ແຂກທີ່ຖືກເຊີນ 50 ສະຫາຍ ເຊີ່ງເປັນຕົວແທນໃຫ້ສະມາຊິກສະຫະພັນແມ່ຍີງ, ເອື້ອຍນ້ອງແມ່ຍີງບັນດາຊັ້ນຄົນໃນທົ່ວເມືອງ. ໃນກອງປະຊຸມ ສະຫາຍ ນາງພວງມະໄລ ໄຊຍະພອນ ກຳມະການພັກເມືອງ ປະທານສະຫະພັນແມ່ຍິງເມືອງ ໄດ້ກ່າວເປີດກອງປະຊຸມຢ່າງເປັນທາງການ ພ້ອມທັງຜ່ານບົດລາຍງານການເມືອງທັງ 2 ພາກບາງຕອນສະຫາຍກ່າວວ່າ: ປະຈຸບັນທົ່ວເມືອງໄຊຍະບູລີມີແມ່ຍີງທັງໝົດ 39,192 ຄົນ, ເກນອາຍຸຂະຫຍາຍ 15-45 ປີມີ 12,160ຄົນ, ມີຄະນະບໍລິຫານງານທັງໝົດ 19 ສະຫາຍ, ຂັ້ນບ້ານ 11 ສະຫາຍ, ມີຮາກຖານສະຫະພັນແມ່ຍີງ 104 ຮາກຖານ ແລະ 51 ໜ່ວຍ, ມີສະມາຊີກສະຫະພັນແມ່ຍິງທັງໝົດ 8,782 ສະຫາຍກວມເອົາ 22,4% ຂອງແມ່ຍີງໃນທົ່ວເມືອງ, ໃນນີ້ຂະຫຍາຍສະມາຊີກໃຫມ່ໄດ້ 1,933 ສະຫາຍ ເທົ່າກັບ 85,91% ລື່ນຄາດໝາຍ 5,91%, ທຽບໃສ່ກອງປະຊຸມໃຫ່ຍຄັ້ງທີ່ VII ຜ່ານມາເພີ້ມຂື້ນ 1000 ກວ່າສະຫາຍ ເທົ່າກັບ 13,25%, ແຍກໜ່ວຍໃຫມ່ໄດ້ 17 ໜ່ວຍ, ສະມາຊິກຍົກຍ້າຍ 828 ສະຫາຍ, ເປີດກອງປະຊຸມໃຫ່ຍຮາກຖານແລະ ໜ່ວຍສຳເລັດ 100%, ໄດ້ເຂົ້າຮ່ວມຮັບຟັງການເຜີຍມູນເຊື້ອປະຫວັດສາດ, ມູນເຊື້ອວັດທະນະທຳອັນດີງາມຂອງຊາດ ແລະ ຂອງແມ່ຍີງລາວມີ 10 ຄັ້ງ, ມີຜູ່ເຂົ້າຮ່ວມ 3,979 ສະຫາຍ,ຍິງ 3,619 ສະຫາຍ, ຈັດຕັ້ງເຜີຍແຜ່ເຊື່ອມຊືມ ກົດໝາຍສະຫະພັນແມ່ຍິງ,

ກົດລະບຽບຂໍ້ແຂ່ງຂັນ 3 ດີຂອງສະຫະພັນແມ່ຍິງລາວ, ມະຕິກອງປະຊຸມ ແລະ ເອກະສານຕ່າງໆທີ່ກ່ຽວຂ້ອງກັບວຽກງານພັດທະນາແມ່ຍີງມີ 25 ຄັ້ງມີຜູ້ເຂົ້າຮ່ວມ 7,472 ສະຫາຍ, ສະມາຊີກສະຫະພັນແມ່ຍິງໄດ້ສ້າງຕັ້ງກອງທືນຊ່ວຍເຫຼືອເຊີ່ງກັນ ແລະ ກັນມີສະມາຊີກ 2367 ສະຫາຍມີເງີນທືນທັງໝົດ 461 ລ້ານກວ່າກີບ, ໄດ້ປະຕິບັດຕໍ່ສະມາຊິກທັງໝົດ 757 ເທື່ອຄົນລວມເປັນເງີນ 247 ລ້ານກວ່າກີບໃນນີ້ ຈ່າຍນະໂຍບາຍນອນໂຮງຫມໍ 351 ເທື່ອຄົນ, ເກີດລູກ 249 ເທື່ອຄົນ, ຜ່າຕັດ 135 ເທື່ອຄົນ, ເສຍຊີວິດ 22 ຄົນ. ຕໍ່ກັບຜົນງານທີ່ກ່າວມານັ້ນສະມາຊີກແມ່ຍິງໄດ້ຮັບການຍ້ອງຍໍຫຼາຍລະດັບຄື: ໄດ້ຮັບຫຼຽນໄຊຊັ້ນ II ມີ 5 ສະຫາຍ, ຫຼຽນໄຊຊັ້ນ III ມີ 27 ສະຫາຍ, ຫຼຽນກາແຮງງານ 92 ສະຫາຍ, ໃບຍ້ອງຍໍລັດຖະບານ 123 ສະຫາຍ, ໃບຍ້ອງຍໍສູນກາງແມ່ຍິງ 7,023 ສະຫາຍ, ໃບຊົມເຊີຍຂອງສູນກາງ 572 ສະຫາຍ, ໃບຍ້ອງຍໍຂອງແຂວງ 977 ສະຫາຍ, ໃບຍ້ອງຍໍຂັ້ນເມືອງ 2.509 ສະຫາຍ, ໃບຊົມເຊີຍຂັ້ນເມືອງ 497 ສະຫາຍ, ໃບສຳມະນາບຸນຄຸນຂັ້ນເມືອງ 319 ສະຫາຍ, ນອກນີ້ ຍັງໄດ້ຮັບໃບຍ້ອງຍໍຂັ້ນໜ່ວຍຈຳນວນ 141 ໜ່ວຍ. ຈາກນັ້ນໃນກອງປະຊຸມປະທານສະຫະພັນແມ່ຍິງເມືອງພຽງ, ເມືອງໄຊສະຖານ ແລະ ເມືອງຫົງສາ ແລະ ຮາກຖານໜ່ວຍແມ່ຍີງອ້ອມຂ້າງເມືອງ ກໍ່ໄປປະກອບຄຳຄິດເຫັນ ໂດຍຍົກໃຫ້ເຫັນຜົນງານທີ່ພົ້ນເດັ່ນທີ່ຈະຕ້ອງສືບຕໍ່ເສີມຂະຫຍາຍ, ດ້ານອ່ອນຂໍ້ຄົງຄ້າງທີ່ຈະຕ້ອງແກ້ໄຂໃນຕໍ່ໜ້າ. ພ້ອມນີ້ໃນກອງປະຊຸມ ກໍ່ໄດ້ປ່ອນບັດເລືອກຕັ້ງປະທານ, ຮອງປະທານ ແລະ ຄະນະປະທານຊຸດໃໝ່, ກອງປະຊຸມຄັ້ງປະຖົມມະລຶກ ຕົກລົງເຫັນດີສະຫາຍ ນາງ ພວງມະໄລ ໄຊຍະພອນ ເປັນປະທານສະຫະພັນແມ່ຍິງເມືອງ, ສະຫາຍ ນາງ ວິໄລພອນ ສົງຫາລາດ ເປັນຮອງປະທານສະຫະພັນແມ່ຍິງເມືອງ ທັງເປັນປະທານກວດກາ, ສະຫາຍ ນາງ ວັນນະພອນ ທໍ ເປັນຮອງປະທານສະຫະພັນແມ່ຍິງເມືອງ ພ້ອມດ້ວຍຄະນະຄົບຊຸດ. ໂອກາດດຽວກັນນີ້ ວ່າການປະທານສະພັນແມ່ຍິງແຂວງ ກໍ່ໄດ້ມອບຂອງຂວັນໃຫ້ຫ້ອງການສະຫະພັນແມ່ຍິງເມືອງ ແລະ ສະຫະພັນແມ່ຍິງເມືອງ ກໍ່ໄດ້ມອບຂອງຂວັນໃຫ້ຄະນະປະທານ, ແຂກຖືກເຊີນ ແລະ ພະນັກງານອາວຸໂສບໍານານ. ໃນຕອນທ້າຍກອງປະຊຸມຜູ້ເຂົ້າຮ່ວມ ກໍ່ໄດ້ຮັບຟັງຄໍາໂອ້ລົມຈາກສະຫາຍ ບຸນຄົງ ພົງສະຫວັນ ຮອງເລຂາພັກເມືອງ ຮອງເຈົ້າເມືອງໄຊຍະບູລີ ຕື່ມອີກ.

ຂ່າວ: ສົມພົງ ສີສະຫວັດ 0309494717  

ແຜນທີ ແຂວງໄຊຍະບູລີ