ຈໍານວນຜູ້ເຂົ້າຊົມເວັບໄຊ

148122
ມື້ນີ້ມື້ນີ້21
ມື້ວານນີ້ມື້ວານນີ້136
ອາທິດນີ້ອາທິດນີ້380
ເດືອນນີ້ເດືອນນີ້3659
ລວມທັງໝົດລວມທັງໝົດ148122

ມີ 43  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເພື່ອເປັນການຜັນຂະຫຍາຍເນື້ອໃນສັນຍາກ່ຽວກັບການຮ່ວມມືທາງດ້ານເສດຖະກິດ, ສັງຄົມ ແລະ ວິທະຍາສາດ ລະຫວ່າງ ແຂວງ ໄຊຍະບູລີ ກັບ ສະຖາບັນຄົ້ນຄົ້ວດິນ ແລະ ຝຸ່ນ ສສ ຫວຽດນາມ ໂດຍໄດ້ຈັດຕັ້ງປະຕິບັດວຽກງານຮ່ວມມືກັບບັນດາສະຖາບັນຄົ້ນຄວ້າ, ພະແນກກະສິກຳ ແລະ ພັດທະນາຊົນນະບົດ, ບໍລິສັດ ແລະ ຂະແໜງການທີ່ກ່ຽວຂ້ອງ ເພື່ອຮ່ວມມືກັນທາງດ້ານການຄົ້ນຄວ້າວິທະຍາສາດ ກະສິກຳ ແລະ ປ່າໄມ້, ການສະໜອງປັດໃຈການຜະລິດ ແລະ ການນຳໃຊ້ເຕັກນິກໃໝ່ທີ່ກ້າວໜ້າເຂົ້າໃນການຜະລິດກະສິກຳ ແລະ ປ່າໄມ້, ທັ້ງນີ້ ເພື່ອແນ່ໃສ່ການພັດທະນາເສດຖະກິດ-ສັງຄົມຂອງແຂວງເວົ້າລວມ, ເວົ້າສະເພາະແມ່ນແນ່ໃສ່ການພັດທະນາວຽກງານກະສິກຳ ແລະ ປ່າໄມ້ຢູ່ໃນທົ່ວແຂວງ ໄຊຍະບູລີ.

ໃນຕອນບ່າຍຂອງວັນທີ 16 ພະຈິກປີນີ້, ການນໍາແຂວງ ໄຊຍະບູລີ ນໍາໂດຍ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ພ້ອມດ້ວຍຄະນະ ໄດ້ຢ້ຽມຢາມ ສະຖາບັນຄົ້ນຄວ ດິນ ແລະ ຝຸ່ນ ສສ ຫວຽດນາມ, ໃຫ້ການຕ້ອນຮັບໂດຍ ທ່ານ ປອ ຫງວຽນຊ່ວນ ລ່າຍ, ຫົວໜ້າສະຖາບັນຄົ້ນຄົ້ວ ດິນ ແລະ ຝຸ່ນ ສສ ຫວຽດນາມ ພ້ອມດ້ວຍພະນັກງານວິຊາການໃຫ້ການຕ້ອນຮັບຢ່າງອົບອຸ່ນ, ພ້ອມທັງໄດ້ລາຍງານຜົນສໍາເລັດຈາກການຈັດຕັ້ງປະຕິບັດໂຄງການຈັດຕັ້ງປະຕິບັດ ຄົ້ນຄົ້ວດິນ ແລະ ຝຸ່ນ ຢູ່ແຂວງ ໄຊຍະບູລີ ໂດຍຫຍໍ້ເຊັ່ນ:

ສໍາເລັດໃນການຄັດເລືອກບັນດາແນວພັນເຂົ້າຈ້າວທີ່ມີສະມັດຕະພາບ, ພ້ອມທັງໄດ້ຖ່າຍທອດເຕັກນິກການຜະລິດແນວພັນເຂົ້າ ໃນຈຸດສຸມການຜະລິດ ຢູ່ ເມືອງ ຊຽງຮ່ອນ, ຫົງສາ, ໄຊຍະບູລີ ແລະ ເມືອງ ແກ່ນທ້າວ, ການສາທິດໃນການນໍາໃຊ້ຝຸ່ນບົ່ມຊີວະພາບໃຫ້ແກ່ພືດຢູ່ບັນດາເມືອງ, ນອກນັ້ນຍັງໄດ້ຝຶກອົບອົບເຕັກນິກ ແລະ ວິທີການດ້ານຕ່າງໆ ໃຫ້ກັບພະນັກງານຂອງແຂວງ, ຈາກນັ້ນ ທ່ານ ເຈົ້າແຂວງ ກໍ່ໄດ້ກ່າວຂອບໃຈຕໍ່ສະຖາບັນ ວິໄຈດິນ ແລະ ຝຸ່ນ ທີ່ໄດ້ໃຫ້ການຊ່ວຍເຫຼືອ ດ້ານເຕັກນິກ ແລະ ທຶນຮອນເຂົ້າໃນການພັດທະນາວຽກງານກະສິກໍາຂອງແຂວງ, ໄດ້ຮັບການຖ່າຍທອດເຕັກນິກຈາກຊ່ຽວຊານຫວຽດນາມໃຫ້ແກ່ພະນັກງານແຂວງ, ເມືອງ ແລະ ຜັນຂະຫຍາຍບັນດາເຕັກນິກດັ່ງກ່າວໃຫ້ພະນັກງານວິຊາການ ແລະ ຊາວກະສິກອນຢູ່ທ້ອງຖິ່ນເປັນຕົ້ນແມ່ນ: ໄດ້ຮັບການຝຶກອົບຮົມການນຳໃຊ້ເຕັກນິກການຜະລິດແບບໃໝ່ທີ່ກ້າວໜ້າ ແລະ ທັນສະໄໝເຊັ່ນ: ເຕັກນິກການນຳໃຊ້ແນວພັນ, ການປູກ, ການຜະລິດຝຸ່ນຊີວະພາບ, ການນຳໃຊ້ຝຸ່ນໃນການບົວລະບັດຮັກສາພືດ, ໄດ້ສະໜອງຫົວເຊື້ອຈຸລິນຊີ ທີ່ຜະລິດຝຸ່ນຊີວະພາບ, ໄດ້ສ້າງຕົວແບບການນຳໃຊ້ເຕັກນິກເຂົ້າໃນການບົວລະບັດຮັກສາເຂົ້ານາ, ສາລີ, ຖົ່ວເຫຼືອງ, ພືດຜັກ, ໄມ້ໃຫ້ໝາກ ແລະ ຢາງພາລາ, ຜ່ານການຈັດຕັ້ງປະຕິບັດຢ່າງຕໍ່ເນື່ອງໃນໄລຍະເວລາ 4 ປີຜ່ານມາ ເຫັນວ່າ: ສະມັດຕະພາບເຂົ້ານາເພີ່ມຂຶ້ນ 30-40%, ສາລີເພີ່ມຂຶ້ນ 20-30%, ຖົ່ວເຫຼືອງເພີ່ມຂຶ້ນ 20-25%, ພິເສດແມ່ນໝາກລິ້ນຈີ່ ນອກຈາກຈະເພີ່ມຜົນຜະລິດ 15-20% ແລ້ວຍັງປັບປຸງຄຸນນະພາບເຮັດໃຫ້ໝາກລິ້ນຈີ່ເຄີຍມີລົດສົ້ມກໍຫວານຂຶ້ນກວ່າເກົ່າ, ສຳລັບພືດຜັກແມ່ນແນໃສ່ປອດສານເຄມີ ແລະ ເກັບຮັກສາໄດ້ດົນນານ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ